AQSh dunyo bo‘yicha koronavirusga qarshi kurashish uchun 225 million dollar ajratadi

Bu 64 mamlakatga ajratilgan 274 million dollarlik yordamga qo‘shimcha bo‘ladi.

Foto: Reuters

AQSh dunyo bo‘yicha koronavirusga qarshi kurashish maqsadida gumanitar, tibbiy va iqtisodiy yordam uchun 225 million dollar ajratadi. Bu haqda AQSh davlat kotibi Mayk Pompeo ma'lum qildi.

"Bugun dunyo bo‘yicha koronavirusga qarshi kurashish maqsadida gumanitar, tibbiy va iqtisodiy yordam uchun qo‘shimcha 225 million dollar ajratishga tayyorligimizni tasdiqlayman", - dedi Pompeo.

Uning so‘zlariga ko‘ra, bu 64 mamlakatga ajratilgan 274 million dollarlik yordamga qo‘shimcha bo‘ladi.

JSSTning ma'lumot berishicha, dunyo bo‘yicha koronavirus yuqtirganlar soni 1,2 million kishidan oshgan.