17:55 / 18.04.2020
7400
Путин коронавирусга қарши курашга армияни жалб этишни кўриб чиқиш бўйича топшириқ берди

Путин коронавирусга қарши курашишга қуролли кучларни жалб этиш тўғрисида 13 апрелда гапириб ўтганди.

Фото: Россия мудофаа вазирлиги

Россия президенти Владимир Путин мудофаа вазирлигига коронавирус инфекциясига қарши курашиш учун қуролли кучларнинг махсус кучлари ва воситаларини жалб этиш бўйича таклифлар ишлаб чиқиш топшириғини берди.

Таклифлар 22 апрелгача тақдим этилиши лозим.

Путин коронавирусга қарши курашишга қуролли кучларни жалб этиш тўғрисида 13 апрелда гапириб ўтганди.

«Барча имкониятлар, жумладан Россия мудофаа вазирлиги имкониятлари агарда зарур бўлса, албатта ишга солиниши мумкин деганди у. 

Охирги маълумотларга кўра, Россияда коронавирусга чалинганлар сони 36,8 минг кишига етган. Бир сутка давомида 4,7 минг кишида коронавирус аниқланган. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top