AQShdagi restoranlar Kongressdan 240 mlrd dollar yordam so‘radi

AQShda restoranlar eng yirik ish beruvchilardan hisoblanadi – koronavirus pandemiyasiga qadar 12,2 milliondan ortiq kishi sohada band bo‘lgan.  

Restoranlar milliy assotsiatsiyasining ma'lumot berishicha, mamlakatda hozirda har 10 restorandan to‘rttasi ishini to‘xtatgan, ularning ayrimlari qaytib ochilmaydi, 8 mln nafarga yaqin xodimlar ishdan bo‘shatilgan yoki haq to‘lanmaydigan ta'tilga chiqarilgan.

Assotsiatsiyaning hisob-kitobiga ko‘ra, restoranlar mart oyida 30 mlrd dollar foydadan mahrum bo‘lgan va aprelda yana 50 mlrd dollar yo‘qotishi mumkin.

AQShda restoranlar eng yirik ish beruvchilardan hisoblanadi – koronavirus pandemiyasiga qadar 12,2 milliondan ortiq kishi sohada band bo‘lgan.  

Avvalroq  AQSh restoranlar milliy assotsiatsiyasi ushbu sohaning daromadi yaqin uch oy ichida 225 mlrd dollarga kamayishi va besh milliondan yetti milliongacha ish o‘rni yo‘qolishi mumkinligi to‘g‘risida o‘z taxminini e'lon qilgandi.