АҚШдаги ресторанлар Конгрессдан 240 млрд доллар ёрдам сўради

АҚШ ресторан соҳаси вакиллари 240 млрд доллар миқдорида моддий ёрдам беришни сўраб Конгрессга мурожаат қилди.

Фото: REUTERS

АҚШда ресторанлар энг йирик иш берувчилардан ҳисобланади – коронавирус пандемиясига қадар 12,2 миллиондан ортиқ киши соҳада банд бўлган.

Ресторанлар миллий ассоциациясининг маълумот беришича, мамлакатда ҳозирда ҳар 10 ресторандан тўрттаси ишини тўхтатган, уларнинг айримлари қайтиб очилмайди, 8 млн нафарга яқин ходимлар ишдан бўшатилган ёки ҳақ тўланмайдиган таътилга чиқарилган.

Ассоциациянинг ҳисоб-китобига кўра, ресторанлар март ойида 30 млрд доллар фойдадан маҳрум бўлган ва апрелда яна 50 млрд доллар йўқотиши мумкин.

Аввалроқ АҚШ ресторанлар миллий ассоциацияси ушбу соҳанинг даромади яқин уч ой ичида 225 млрд долларга камайиши ва беш миллиондан етти миллионгача иш ўрни йўқолиши мумкинлиги тўғрисида ўз тахминини эълон қилганди.

Тайёрлаган Дилшод Аскаров

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.