08:16 / 22.04.2020
44197
Карантинга олинганларни чиқариш чўзилиб кетаётганига изоҳ берилди

Беморлар ўртача 10-15 кун, баъзида оғир ҳолларда бир ой давомида тузалади. Тузалгандан сўнг, яна 14 кун давомида реабилитация ишлари олиб борилади 

АОКА штабида Соғлиқни сақлаш вазирлиги ҳузуридаги коронавирусга қарши кураш штаби аъзоси Ҳабибулла Оқилов иштирокида брифинг бўлиб ўтди. Унда муҳим савол ва мурожаатлар юзасидан жавоб қайтарилди.

Ҳабибулла Оқиловнинг айтишича, 14 кунда лаборатория натижалари манфий бўлса, карантиндагилар чиқарилади.

“Беморлар ўртача 10-15 кун, баъзида оғир ҳолларда бир ой давомида тузалади. Тузалгандан сўнг, яна 14 кун давомида реабилитация ишлари олиб борилади.

Карантиндан чиқариш қоидаларига асосан, 14 кунда лаборатория натижалари манфий бўлса, карантиндагилар чиқарилади, агар лаборатория натижалари мусбат бўлса, карантин давом этади.

Вирусни ажратаётган одам карантиндан чиқарилиши мумкин эмас”, - деди у.

Шунингдек, Ҳ. Оқиловнинг сўзларига кўра, агар бемор билан мулоқотда бўлган фуқароларнинг карантинга кириши мажбурийдир. 

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top