Hodisa natijasida jabrlanganlar yo‘q
Foto: FVV matbuot xizmati
Joriy yilning 22 aprel kuni soat 16:20da Namangan viloyati Favqulodda vaziyatlar boshqarmasi navbatchilik qismiga Namangan shahar, A.Temur ko‘chasidagi 5-sonli ko‘p qavatli uyning tom qismi yonayotganligi to‘g‘risida xabar kelib tushgan.
FVV xabariga ko‘ra, yong‘in o‘chirish texnikalari bir necha daqiqada voqea joyiga yetib borib, tezkorlik bilan 65 kv. metr maydondagi yong‘inni bartaraf etishdi. Yong‘in-qutqaruvchilari tomonidan 200 kv. metr maydon saqlab qolindi.
Yong‘in kelib chiqishining taxminiy sababi ko‘p qavatli uyning tom qismidagi elektr simlarining qisqa tutashuvi deb ko‘rilmoqda. Hodisa natijasida jabrlanganlar yo‘q.
