AQSh Eronning ilk harbiy sun'iy yo‘ldoshi razvedka ma'lumotlari jo‘nata olishiga shubha bildirdi

Uning ta'kidlashicha, AQSh koinot kuchlari Eronning birinchi harbiy sun'iy yo‘ldoshi - “Nur”ning uchirilishi bilan bog‘liq ikkita jism – CubeSat standartidagi sun'iy yo‘ldoshning o‘zi va uni fazoga olib chiqqan “Qosid” raketasi pog‘onasi ortidan kuzatuv olib bormoqda.

“Eron sun'iy yo‘ldosh suratlar yuborishini ta'kidlamoqda. Aslida esa bu koinotda lapanglayotgan veb-kameragina, xolos. U razvedka ma'lumotlari jo‘nata olishi dargumon”, deb yozgan Reymond tvitterda.

Eronning Islom inqilobi muhofizlari korpusi 22 aprelda Eronning birinchi harbiy sun'iy yo‘ldoshini orbitaga chiqargandi. Bundan avvalroq Eronning bunday urinishlari besamar yakunlangan. 

Korpus qo‘mondoni Husayn Salomiyning aytishicha, harbiy sun'iy yo‘ldoshning borligi Eronga strategik muhim axborotni olish imkonini beradi. Uning ta'kidlashicha, sun'iy yo‘ldoshning barcha texnik qismlari va fazoga yetkazish vositalari xorijiy yordamsiz ishlab chiqilgan.