12:29 / 01.05.2020
25203
Тошкент шаҳар ФВБ фуқароларга огоҳлантириш билан чиқди

Ўзбекистонга нам ҳаво оқими кириб келиши кутилмоқда. Шамолнинг тезлиги 15-20 м/с гача етади. 

Фото: KUN.UZ

Тошкент шаҳар Фавқулодда вазиятлар бошқармаси фуқароларга огоҳлантириш билан чиқди.

“Гидрометеорология хизматининг берган маълумотига кўра, жорий йилнинг 1-2 май кунлари Ўзбекистон ҳудудига Туркманистон орқали Каспий денгизининг жанубий районлари устида шаклланган нам ҳаво оқими кириб келиши кутилмоқда. Шамолнинг тезлиги 15-20 м/с гача етади. 

Шу муносабат билан Тошкент шаҳар Фавқулодда вазиятлар бошқармаси сизлардан эҳтиёт чораларини кўришингизни ҳамда авария ва бошқа нохуш ҳолатлар вужудга келганда, 1050 қисқа рақамга мурожаат этишингизни сўрайди”, - дейилади маълумотда.

Бундан олдин, Ўзбекистонда кучли ёмғир ёғиши кутилаётгани хабар берилганди.

Top