09:56 / 02.05.2020
8398

O‘zbekiston sug‘urta bozori bo‘yicha statistika ochiqlandi

Respublika bo‘yicha sug‘urta summasi jami 690 462,7 mlrd. so‘mni tashkil etgan bo‘lib, 2018 yilga nisbatan 15,6 foizga yoki 93 012,4 mlrd. so‘mga ko‘paydi.

Foto: Shutterstock

2019 yil yakuni bo‘yicha hisobot ma'lumotlariga ko‘ra, 40 ta sug‘urta kompaniyasi tomonidan 7 401 287 ta shartnoma tuzilgan yoki 2018 yilning shu davriga nisbatan solishtirilganda 112,0 foizni tashkil etdi.

Davstatqo‘m xabariga ko‘ra, respublika bo‘yicha sug‘urta summasi jami 690 462,7 mlrd. so‘mni tashkil etgan bo‘lib, 2018 yilga nisbatan 15,6 foizga yoki 93 012,4 mlrd. so‘mga ko‘paydi. Ixtiyoriy sug‘urtaning ulushi 68,0 foiz (469 250,7 mlrd. so‘m) bo‘lsa, 32,0 foizi (221 212,0 mlrd. so‘m) majburiy sug‘urtaga to‘g‘ri keladi. 

2019 yilda sug‘urta mukofotlari tushumi 2138,8 mlrd. so‘mni tashkil etdi. Shundan ixtiyoriy sug‘urta 1832,1 mlrd. so‘m (85,7 foiz umumiy summadan), majburiy sug‘urta 306,7 mlrd. so‘m (14,3 foiz). 2019 yilda jami sug‘urta to‘lovlari hajmi 808,6 mlrd. so‘mni tashkil etdi. Ushbu ko‘rsatkich 2018 yilning shu davrida 442,8 mlrd. so‘mni tashkil etgan. 

Sug‘urta fuqaro yoki yuridik shaxs (sug‘urta qildiruvchi) sug‘urta tashkiloti (sug‘urtalovchi) bilan tuzadigan mulkiy yoki shaxsiy sug‘urta shartnomalari asosida amalga oshiriladi. 

Top