Abdulaziz Komilov va Muhammad Javod Zarif o‘zaro hamkorlik masalalarini muhokama qildi

2020 yilning 7 may kuni O‘zbekiston tashqi ishlar vaziri Abdulaziz Komilovning Eron tashqi ishlar vaziri Muhammad Javod Zarif bilan telefon orqali muloqoti bo‘lib o‘tdi.

TIV xabariga ko‘ra, suhbat avvalida tomonlar 6 may kuni ikki mamlakat rahbarlari o‘rtasida juda samarali hamda ochiqlik va yaxshi qo‘shnichilik ruhida bo‘lib o‘tgan telefon orqali muloqotni yuqori baholadilar.

TIV rahbarlari savdo-iqtisodiy va transport-kommunikatsiya sohalaridagi hamkorlik sur'atlarini oshirish masalalari bo‘yicha fikr almashdilar.

Suhbat chog‘ida Afg‘onistondagi holat, xalqaro hamjamiyatning mazkur mamlakatdagi mojaroni hal qilish borasidagi sa'y-harakatlari yuzasidan ham fikr almashildi.

Vazirlar xalqaro va mintaqaviy ahamiyatdagi boshqa masalalarni ham ko‘rib chiqdilar.