10:11 / 12.05.2020
5781
Чинозда велосипедчи ЙТҲ қурбони бўлди

Ҳолат юзасидан Чиноз тумани ИИБ ТБ томонидан суриштирув ишлари олиб борилмоқда.

Фото: ИИВ ЙҲХББ ахборот хизмати

Жорий йилнинг 11 май куни соат 20:30ларда, Тошкент вилояти, Чиноз тумани ҳудудидан ўтган «Тошкент-Душанбе» автомобиль йўлининг 63-км.да йўл-транспорт ҳодисаси содир бўлди.

Ўзбекистон Республикаси ИИВ ЙҲХББ ахборот хизмати хабарига кўра, ҳайдовчи, 1983 й.т. Ғ.М. Isuzu SAZ NP 21 русумли автобусда Сирдарё вилоятидан Янгийўл шаҳри томон ҳаракатланиб кетаётган вақтида қаршисидан келаётган транспорт воситалари ёритгичлари йўлни кўриш имкониятини камайтиргани сабабли бир йўналишда велосипедда ҳаракатланиб кетаётган 1987 й.т. А.Ш.ни уриб юбориб, ЙТҲ содир этган.

Натижада, велосипедчи, 1987 й.т. А.Ш. оғир тан жароҳатлари олиб воқеа жойида вафот этган.

Мазкур ҳолат юзасидан Чиноз тумани ИИБ ТБ томонидан суриштирув ишлари олиб борилмоқда.

“Ҳурматли ҳайдовчилар, шаҳар ҳудудида транспорт воситаси тезлигини меъёридан оширмаслигингизни, яқинни ёритиш чироқларидан фойдаланишингизни, пиёда ва велосипедчиларга эътиборли бўлишингизни сўраб қоламиз”, - дейилади хабарда.  

Top