15 май куни Туркияда коронавирус сабабли киритилган 50 кунлик тақиқловдан кейин кўплаб ўсмирлар кўчаларга чиқа олишди. Улардан баъзилари вақтни зое кетказмай, Туркия байроғи кўринишидаги 60 квадрат метрлик варрак тайёрлаб, уни осмонга учиришди.

Ўсмирлар варракни Истанбулдаги боғлардан бирида мамлакатда 19 май куни нишонланадиган Мустафо Камол Отатурк хотираси куни ва ёшлар ҳамда спорт байрами (Atatürk'ü Anma, Gençlik ve Spor Bayramı) муносабати билан учиришган.   

1919 йил 19 май куни Турк Республикаси асосчиси Мустафо Камол Отатурк Самсун шаҳрида ёшлар олдида нутқ сўзлаб, Туркиянинг бир қисмини эгаллаб олган қўшинларга қарши курашга сафарбарлик эълон қилган. Бу нутқ турк ҳалқининг миллий-озодлик курашини бошлашига туртки бўлган.