23:35 / 10.06.2020
6916
Самарқанд шаҳрида жамоат транспорти ҳаракати тикланди

Ҳудудларнинг коронавирус тарқалиш хавфи даражасига кўра янгиланган рўйхатида «сариқ» тоифага киритилган Самарқанд шаҳрида жамоат транспорти ҳаракати тикланди.

Фото: KUN.UZ

10 июндан шаҳарда баъзи автобус линиялари ва йўналишсиз таксилар фаолияти тикланди. Бироқ Самарқанд шаҳридан туманларга қатновчи маршрутлар ҳаракати ҳозирча тиклангани йўқ. Самарқанд шаҳрида ҳаракатланувчи жамоат транспорти йўналишларининг умумий ҳисобда 30 фоизи фаолияти тикланган. Талаб кўпайиши билан барча линиялар аста-секин очиб борилади.

Автобус ва таксилар ҳар уч соатда дезинфекцияланиши жиддий назорат қилинади. Транспорт воситаларига ниқобсиз йўловчилар чиқарилмайди. Маълумот учун, Самарқанд шаҳрида 54та автобус линияси мавжуд. Бутун вилоятда эса уларнинг сони 186та.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top