Surxondaryoda yo‘l harakati xavfsizligi qoidasining buzilishi o‘limga sabab bo‘ldi

Joriy yilning 13 iyun kuni Surxondaryo viloyati Denov tumanida taxminan soat 23:45larda, tumanning “Shamoli” mahallasi hududidan o‘tuvchi M-41 avtomobil yo‘lining 1496-km.da, “Guliston” mahallasida yashagan Sh.Y. boshqaruvidagi "Damas" rusumli avtomobili bilan qarama-qarshi yo‘nalishiga chiqib ketgan.

Surxondaryo viloyati IIB axborot xizmati xabariga ko‘ra, u ushbu yo‘nalishda harakatlanib kelayotgan, Uzun tumani “Oqtumshuq” mahallasida yashovchi A.U. boshqaruvidagi "ZIL" rusumli yuk avtomobili bilan to‘qnashgan.

Natijada, "Damas" haydovchisi Sh.Y. “hayot uchun xavfli bo‘lgan og‘ir” tan jarohati olib, 16 iyun soat 16:30da kasalxonada vafot etgan.

Holat yuzasidan 16 iyun kuni Jinoyat kodeksining 266-moddasi 2-qismi bilan jinoyat ishi qo‘zg‘atilgan.