Ular mansabini suiiste'mol qilish, pora olish va mablag‘larni o‘zlashtirishda gumonlanmoqda.
Ozarboyjon xavfsizlik xizmati mamlakat tashqi ishlar vazirligining uch nafar xodimi hibsga olinganini ma'lum qildi.
Ular mansabini suiiste'mol qilish, pora olish va mablag‘larni o‘zlashtirishda gumonlanmoqda.
Bular TIV tender komissiyasi raisi Farhod Mullazoda, xo‘jalik bo‘limi boshqaruvchisi Salim Alizoda va konsullik boshqarmasining yuridik-konsullik bo‘limi boshlig‘i Nuruposho Abdullayevdir.
Xabarda aytilishicha, Mullazoda va Alizoda Ozarboyjon TIVning turli tuzilmalariga ajratilgan budjet pullarini muntazam o‘zlashtirib kelishda gumonlanmoqda. Bundan tashqari, gumonlanuvchilar "zarur xo‘jalik mahsulotlarini sotib olish chog‘ida tadbirkorlardan ularning hisobiga o‘tkazilgan pullarning bir qismini pora sifatida qaytarishni talab qilgan".
Abdullayev esa mamlakatga xorij fuqarolari kirishi uchun elektron vizalarni rasmiylashtirishda pora olib kelgan.
