Qoʻshimcha funksionallar
-
Tungi ko‘rinish
Ozarboyjon prezidenti mamlakat tashqi ishlar vazirini iste'foga chiqardi
Ilhom Aliyev 15 iyul kuni tashqi ishlar vaziri faoliyatini tanqid qilgan.
Ilhom Aliyev / Foto: Day.Az
Ozarboyjon prezidenti Ilhom Aliyev tashqi ishlar vaziri Elmara Mamedyarovni iste'foga chiqardi.
Aliyev 15 iyul kuni Armaniston bilan chegarada sodir bo‘lgan to‘qnashuvlar fonida Mamedyarovning faoliyatini tanqid qilgandi, deb yozadi Haqqin.az. Qayd etilishicha, Aliyev barcha rahbarlar «tundan tonggacha» ishda bo‘lgan vaqtda u vazirni topolmagan.
«Bizning diplomatik faoliyatimiz yanada samarali bo‘lishi mumkin edi. Men bir necha bor aytganman, bizning diplomatiyamiz zaif va himoyaviy emas, hujumkor diplomatiya bo‘lishi kerak», — degan Aliyev.
Mamedyarov 2004 yildan buyon tashqi ishlar vaziri lavozimida ishlab kelayotgandi.
Uning o‘rniga Jayhun Bayramov vazir etib tayinlangan.
Armaniston-Ozarboyjon chegarasidagi vaziyat 12 iyulda keskinlashdi. 16 iyul kuni chegarada yana to‘qnashuvlar sodir bo‘ldi. Bo‘lib o‘tgan voqealarda har ikki tomon bir-birini ayblamoqda.
Qorabog‘ urushi
Mavzuga oid
10:19 / 22.04.2026
Markaziy Osiyo va Ozarboyjon yetakchi ayollari ustuvor vazifalarni muhokama qildi
19:20 / 15.04.2026
Rossiya va Ozarboyjon AZAL samolyoti halokati oqibatlari «hal etilganini» e’lon qildi
14:18 / 19.03.2026
Shavkat Mirziyoyev va Ilhom Aliyev strategik sheriklikni muhokama qildi
19:05 / 14.03.2026