AQShning Iroqdagi elchixonasi yaqinida raketa portladi

AQShning Bag‘dod markazidagi diplomatik vakolatxonasi yaqinida 2ta raketa portladi.

Foto: Globallookpress

RIA Novosti xabariga ko‘ra, raketalar «Katyusha» zenit-raketa kompleksidan otilgan va Bag‘dodning hukumat idoralari va elchixonalar, shuningdek aeroport joylashgan «yashil hududi»da portlagan. Hujum davomida hech kim jabrlanmagan.

TASS Iroqning Al Sumaria telekanaliga tayanib bergan xabarida, bu vaqtda Eron tashqi ishlar vaziri Muhammad Javod Zarif Iroq hukumati vakillari bilan rejadagi uchrashuvni o‘tkazgan.

Telekanal xabariga ko‘ra, Bag‘dod markaziga qarata uchinchi raketa ham otilgan va u «yashil hudud»ning boshqa qismida portlagan. Raketa otilgan joy hozircha aniqlanmagan.

18 iyun kuni AQShning Iroqdagi elchixonasi yaqinida bir necha raketa portlagani haqida xabar berilgan edi. Ammo jabrlanganlar va vayronagarchiliklar haqida ma'lumot hozircha berilmadi.