Qoraqalpog‘istonga kecha-yu kunduz ishlaydigan 20ta mobil tez yordam brigadalari ajratildi

Bu avtomobillarda kecha-yu kunduz navbatchilik qiladigan 1 nafar tibbiyot xodimi va 1 nafar haydovchidan iborat ixchamlashtirilgan mobil tez tibbiy yordam brigadalari faoliyat olib boradi.

Qoraqalpog‘iston Sog‘liqni saqlash vazirligi ma'lumotiga ko‘ra, ushbu mobil tez tibbiy yordam brigadalardan Nukus shahrida 4ta, tumanlarda esa 16ta brigada ish olib boradi.

Ma'lumot uchun, O‘zbekiston Vazirlar Mahkamasining tegishli qarori asosida kuchaytirilgan tartib davrida har oy yakuniga qadar barcha tez tibbiy yordam brigadalarida ishlovchi xodimlarning lavozim maoshiga 6 foiz miqdorida har kunlik qo‘shimcha to‘lovlar o‘rniga barcha quyidagi miqdorlarda qo‘shimcha moddiy rag‘batlantirish to‘lovlarini belgilangan:

• vrach xodimlarga — 2,5 million so‘m;
• o‘rta tibbiyot xodimlariga — 1,5 million so‘m;
• haydovchilarga — 1,0 million so‘mdan qo‘shimcha rag‘batlantirish berilishi ko‘zda tutilgan.