17:53 / 01.08.2020
7888
Берлинда коронавирус чекловларига қарши намойиш бўлиб ўтмоқда

 Шаҳар марказидаги Унтер-ден-Линден кўчасида етти мингга яқин киши тўпланган.

Фото: Reuters

 Берлинда минглаб намойишчилар коронавирус сабабли киритилган чекловларга қарши норозилик билдирмоқда, деб хабар берди Morgenpost нашри.

 Нашрнинг маълумот беришича, шаҳар марказидаги Унтер-ден-Линден кўчасида етти мингга яқин киши тўпланган бўлиб, уларнинг аксарияти ниқоб тақмаган.

 "Кўпчилик қоидаларга амал қилмаяпти. Ҳамкасбларимиз улардан қоидаларга риоя қилишни сўрамоқда", - деб ёзади пойтахт полицияси твиттерда.

Хабар қилинишича, намойишчилар Ғалаба колоннаси томон ҳаракатланмоқда, у ерда митинг ўтказиш режалаштирилган. 

 Жонс Ҳопкинс университети маълумотларига кўра, Германияда коронавирус юқтирганлар сони 210 676тага етган, 9 154 киши вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top