07:46 / 12.08.2020
2133
Марказий банк Покистон Миллий банкининг ваколатхонасига берилган аккредитация сертификатини бекор қилди

У ўз фаолиятини 1995 йил 29 ноябрдан буён Ўзбекистон Марказий банки томонидан берилган аккредитация сертификатига асосан юритиб келаётган эди.

Ўзбекистон Марказий банки Банк назорати қўмитасининг 2020 йил 30 июлдаги қарорига мувофиқ, Покистон Республикаси Миллий банкининг Тошкент шаҳридаги ваколатхонасига берилган аккредитация сертификати бекор қилинди.

МБ хабарига кўра, мазкур қарор Покистон Миллий банкининг (ПМБ) Халқаро операциялар бизнес стратегияси қабул қилинганлиги муносабати билан Марказий Осиё давлатлари ва Озарбайжондаги банк операцияларини, шу жумладан, Тошкент шаҳридаги ваколатхонасини ёпиш тўғрисидаги мурожаатига биноан қабул қилинди.

Покистон Миллий банкининг Тошкент шаҳридаги ваколатхонаси Ўзбекистон Республикаси ва Покистон Республикаси ўртасидаги банк ҳамда инвестициялар соҳасидаги ўзаро ҳамкорликни мустаҳкамлаш мақсадида ташкил этилган. 

У ўз фаолиятини 1995 йил 29 ноябрдан буён Ўзбекистон Республикаси Марказий банки томонидан берилган аккредитация сертификатига асосан юритиб келаётган эди.

Top