Urgutda televideniye tashkil etiladi

Samarqand viloyati Urgut tumanida televideniye tashkil tashkil etiladi. Bu haqda tuman hokimligi axborot xizmati Kun.uz'ga ma'lum qildi.

Samarqand viloyat teleradiokompaniyasi vakillari Urgutda qayta tashkil etiladigan televideniye bilan bog‘liq ishlarni tashkil etish va bajarilgan ishlar bilan tanishish uchun tumanga tashrif buyurgan.

Ular tuman hokimligi vakillari bilan birgalikda Urgut televideniyesi uchun ajratilishi rejalashtirilgan binoni ko‘zdan kechirishgan va tegishli chora-tadbirlar belgilab olingan.

Ma'lumot uchun, Urgutda o‘tgan asrning 90-yillar boshida televideniye ochilgan va 2000-yillargacha faoliyat ko‘rsatib, so‘ng iqtisodiy qiyinchiliklar ortidan yopilgan.