Vashington va Varshava Polshada AQSh harbiylarini joylashtirish to‘g‘risida shartnoma imzoladi

Hujjatga ko‘ra, Polshaga AQShning Fort-Noks harbiy bazasidagi beshinchi armiya korpusining qismlari joylashtiriladi. Hozirda Polshada 4500ga yaqin amerikalik askar va ofitserlar joylashgan.

Varshavada AQSh davlat kotibi Maykl Pompeo va Polsha mudofaa vaziri Mariush Blashchak Polshada qo‘shimcha 1000 nafar amerikalik harbiyni joylashtirish to‘g‘risida shartnoma imzoladi.

"Bu Polsha yoki AQShga nisbatan tahdid paydo bo‘lganida askarlarimiz yelkama-yelka turishlari kafolatini kuchaytiradi", - dedi Polsha prezidenti Anjyey Duda shartnoma imzolash marosimida.

Hujjatga ko‘ra, Polshaga AQShning Fort-Noks harbiy bazasidagi beshinchi armiya korpusining qismlari joylashtiriladi. Hozirda Polshada 4500ga yaqin amerikalik askar va ofitserlar joylashgan.

Avvalroq AQSh prezidenti Donald Tramp Germaniyadagi amerikalik harbiylar sonini qisqartirishini bildirgandi. Uning so‘zlariga ko‘ra, Berlin NATOni moliyalashtirish bo‘yicha "majburiyatlarini bajarmagan".