12:28 / 31.08.2020
5931
Тошкентда маст ҳайдовчининг қоидабузарлиги бир инсоннинг бевақт ўлимига сабаб бўлди

ЙТҲ юзасидан Шайхонтоҳур тумани ИИО ФМБ ҳузуридаги ТБ томонидан дастлабки тергов ҳаракатлари олиб борилмоқда.

Фото: Ўзбекистон Республикаси ИИВ ЙҲХББ ахборот хизмати

Жорий йилнинг 30 август куни соат 00:30ларда, Тошкент шаҳар Шайхонтоҳур тумани, Фурқат кўчасида жойлашган “Ялпиз” кафеси қаршисида йўл-транспорт ҳодисаси содир бўлди.

Ўзбекистон Республикаси ИИВ ЙҲХББ ахборот хизмати хабарига кўра, ҳайдовчи, 1989 йилда туғилган Д.Т. “Нексия-3” русумли автомобиль ёритиш чироқларини ўчириб, тезлигини меъёридан ошириб,  маст ҳолда бошқариб кетаётиб, кўприкка тушиш жойида таъмирлаш ишлари олиб борилаётганлиги сабабли тўсиқ билан тўсилган темир панжарани уриб ўтиб, ҳаракати давомида пиёда “Кўприк таъмирлаш” бошқармаси ишчисини уриб юбориб, ЙТҲ содир этган.

Натижада, пиёда, 1994 йилда туғилган А.Н. олган оғир тан жароҳатлари билан воқеа жойида вафот этган.

Мазкур ЙТҲ юзасидан Шайхонтоҳур тумани ИИО ФМБ ҳузуридаги ТБ томонидан дастлабки тергов ҳаракатлари олиб борилмоқда.

“Барча ҳайдовчилардан транспорт воситасини маст ҳолда бошқармасликларини, тезлик меъёрига амал қилишларини, пиёдаларга эътиборли бўлишларини сўраб қоламиз”, - дейилади маълумотда.

Top