11:05 / 07.09.2020
2589
Ҳонгконгда минглаб одамлар сайловлар кўчирилганига қарши намойишга чиқди

Ҳонгконгда минглаб одамлар коронавирус пандемияси сабабли парламентга сайловлар кўчирилганига қарши норозилик намойишларига чиқди. Сайловлар 6 сентябрда ўтиши керак эди.

Фото: Reuters

Ҳонгконг ҳукумати коронавирусдан касалланиш ҳолатлари кўпаяётгани сабабли 30 июлда сайловларни бир йилга қолдиришга қарор қилган.

Намойишчилар “Менга овоз бериш ҳуқуқини қайтаринг!” деб ҳайқиришган. Улар кўп масофа босиб ўта олишмаган, чунки дарҳол маҳаллий куч тузилмалари қаршилигига учрашган. 

Полиция намойишчиларни тарқатиш учун гармдори газли шарчалар билан уларга ўқ узган, 300 га яқин намойишчи ҳибсга олинган.

Мухолифат ҳукуматни пандемия баҳонасида одамларнинг овоз беришига халақит қилишда айблаган.

Top