00:45 / 12.09.2020
14615
Бразилия президенти ўз давлатининг коронавирус устидан ғалаба қозонганини эълон қилди 
Фото: Reuters

Бразилия коронавирус пандемияси устидан ғалаба қозонди. Бу ҳақда  мамлакат президенти Жаир Болсонару маълум қилди. 

“Ҳукумат пандемиянинг салбий оқибатларини минималлаштириш учун барча ишни қилди”, деб айтган Болсонару. У кичик бизнесни кредит ёрдамида қўллаб-қувватлаш бўйича чоралар кўрилгани, ижтимоий нафақалар тўлангани, уни 65 млн киши олгани, ҳудудлар маъмуриятларига тиббий ёрдамни ташкиллаштириш учун маблағлар ажратилганини эслаб ўтган.

Бразилия президенти маҳаллий матбуотни федерал марказнинг бу борадаги муваффақиятлари ҳақида ҳеч нарса демасликда айблаган. Унинг айтишича, хорижий ОАВда Бразилия пандемиядан энг кам азият чеккан давлатлар қаторига киргани ҳақида янгиликлар берилмоқда.

Бразилия айни вақтда коронавирусга чалинганлар кўплиги бўйича АҚШ ва Ҳиндистондан кейин дунёда 3-ўринни (4,2 млндан кўпроқ касалланган), коронавирус инфекциясидан вафот этганлар сони бўйича эса АҚШдан кейин 2-ўринни (129 мингдан кўпроқ) эгалламоқда.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top