10:15 / 15.09.2020
10795
Ўзбекистонда коронавирусдан зарарланиш ҳолатлари сони 48 мингдан ошди

Соғлиқни сақлаш вазирлиги Ўзбекистонда яна 197 кишида коронавирус инфекцияси қайд этилиб, жами ҳолатлар сони 48 минг 192тага етгани, айни вақтда шифохоналарда даволанаётганлар сони (актив кейс) 3 266 нафарни ташкил этаётгани ҳақида хабар берди.

«Янги касалланиш ҳолатларининг 117 нафари Тошкент шаҳрида, 30 нафари Наманган вилоятида, 20 нафари Тошкент вилоятида, 12 нафари Самарқанд вилоятида, 10 нафари Хоразм вилоятида, 5 нафари Қашқадарё вилоятида, 2 нафари Фарғона вилоятида, 1 нафари Қорақалпоғистон Республикасида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган», дейилади вазирлик хабарида.

Шу билан бирга, Юнусобод туманида яшаган 63 ёшли Н.Қ. (эркак) ҳамда Олмазор туманида яшаган 42 ёшли О.Б. (аёл) коронавирус оқибатида вафот этган ва Ўзбекистонда шу вақтгача расмий статистикада қайд этилган қурбонлар сони 400тага етган.

Шу вақтгача 44 минг 526 бемор коронавирусдан соғайган (92 фоиз).

Ҳозирда Ўзбекистонда 3 266 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 451 нафари оғир, 243 нафари эса ўта оғир аҳволда. 

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top