O‘zbekiston Tojikistonga mahsulotlar eksporti hajmini oshirdi

Tojikistonga amalga oshirilgan eksport hajmi o‘tgan yilning mos davriga solishtirilganda 65,1 mln. AQSh dollariga ko‘p.

Joriy yilning 1 sentabr holatiga O‘zbekiston bilan Tojikiston o‘rtasidagi savdo aylanmasi 317,0 mln. AQSh dollarini tashkil etgan. Bunda eksport ulushi 255,1 mln. AQSh dollari va import hajmi 61,9 mln. AQSh dollariga teng.

Davlat statistika qo‘mitasi ma'lumotlariga ko‘ra, sakkiz oy mobaynida Tojikistonga amalga oshirilgan eksport hajmi o‘tgan yilning mos davriga solishtirilganda 65,1 mln. AQSh dollariga ko‘p.

Ma'lumot o‘rnida, eksport tarkibida xizmatlar (72,1 mln.), kimyoviy vositalar va ulardan olinadigan mahsulotlar (42,9 mln.), oziq-ovqat mahsulotlari (38,9 mln.), energiya va neft mahsulotlari (28,8 mln.), qora metallar va ulardan tayyorlangan mahsulotlar (20,4 mln.) va boshqa mahsulotlar 52 mln. AQSh dollarini tashkil etgan.