14:41 / 28.09.2020
2161
Суд Трампнинг АҚШда TikTok’ни кўчиришни тақиқловчи фармонига вақтинча тўсиқ қўйди

Трамп 7 августда имзолаган фармонга қарши илова эгаси бўлган ByteDance компанияси даъво аризаси киритганди.

Фото: AFP/Getty Images

Вашингтонда федерал судья Карл Николс АҚШ президенти Дональд Трампнинг мамлакатда TikTok иловасини кўчириб олишни тақиқловчи фармонига вақтинча тўсиқ қўйди. Ушбу қарор тақиқ кучга киришидан бир неча соат аввал қабул қилинди.

Трамп 7 августда имзолаган фармонга қарши илова эгаси бўлган ByteDance компанияси даъво аризаси киритганди.

Трамп маъмурияти TikTok сервиси ва Хитойнинг Tencent компаниясига тегишли WeChat мессенжерини тақиқлаш заруриятини миллий хавфсизлик ва америкалик фойдаланувчиларнинг шахсий маълумотларини ҳимоя қилиш билан изоҳлаганди. 

Судда ByteDance компанияси адвокати Жон Холл бундай тақиқ фойдаланувчиларнинг ўз фикрлари билан бўлишиш ҳуқуқини бузишини билдирди. 

 ByteDance компаниясининг маълумот беришича, АҚШда TikTok иловасидан 120 млн киши фойдаланади.

Top