19:57 / 10.10.2020
56186
Жапаров Қирғизистон президенти яқин кунларда истеъфога чиқишини айтди

Аввалроқ Қирғизистон парламенти Садир Жапаров бошчилигидаги вазирлар маҳкамасининг янги таркибини тасдиқлаганди.  

Сооронбай Жээнбеков / Фото: 24.kg

Қирғизистон президенти Сооронбай Жээнбеков икки-уч кун ичида истеъфога чиқиши мумкин. Бу ҳақда мамлакатнинг янги бош вазири Садир Жапаров маълум қилди.

"Президент ҳукуматнинг янги таркиби тасдиқланиб, у билан боғлиқ барча жараёнлар якунланиши билан икки-уч кун ичида истеъфога чиқишини айтди", - деди Жапаров журналистларга.

Аввалроқ Қирғизистон парламенти Садир Жапаров бошчилигидаги вазирлар маҳкамасининг янги таркибини тасдиқлаганди.  

6 октябрь куни парламент аъзоларининг бир қисми бош вазирликка Садир Жапаров номзодини маъқуллаб овоз берганди.

Мавзу
Қирғизистонда ҳукумат алмашинуви
Қирғизистонда парламент сайловлари натижаларидан норози бўлган мухолиф партиялар инқилоб амалга оширишди.
Барчаси
Top