15:34 / 28.10.2020
6509

AQSh prezidenti saylovida 70 milliondan ortiq amerikalik ovoz berib bo‘ldi

Tahlilchilar fikricha, muddatidan avval ovoz beruvchilarning ko‘pligi o‘z tarafdorlarini avvaldan ovoz berishga chaqirgan Jo Bayden foydasiga xizmat qiladi.

Foto: AP

Prezident saylovi o‘tkazilishiga bir hafta qolganida 70 milliondan ortiq amerikalik muddatidan avval ovoz berib bo‘ldi. Bu haqda Florida shtati universiteti professori Maykl Makdonald rahbarligidagi United States Elections Project loyihasida ma'lum qilindi.

 28 oktabr holatiga ko‘ra, qariyb 70,5 million saylovchi muddatidan avval ovoz bergan. Bu 2016 yilda bo‘lib o‘tgan saylovda qatnashgan jami saylovchilarning yarmini tashkil etadi. O‘shanda 138,8 million kishi ovoz bergandi.

Loyihada berilgan ma'lumotga ko‘ra, muddatidan avval ovoz berishda respublikachilarga nisbatan demokratik partiya a'zolari ko‘proq qatnashgan.

 Dpa agentligining tahlilchilar fikriga tayanib qayd etishicha, muddatidan avval ovoz beruvchilarning ko‘pligi o‘z tarafdorlarini avvaldan ovoz berishga chaqirgan Jo Bayden foydasiga xizmat qiladi. Donald Tramp esa aksincha, muddatidan avval ovoz berish saylov natijalarini soxtalashtirishda qo‘l kelishi mumkinligini aytgandi.

AQShda prezident saylovi 3 noyabrda bo‘lib o‘tadi.

 

Mavzu
AQSh-2020
2020 yilning 3 noyabrida AQShda prezidentlik saylovlari bo‘lib o‘tadi. 3 fevral kuni demokratlar qarorgohida birlamchi saylovlar - kokuslar va praymerizlar boshlangan.
Barchasi
Mavzuga oid
Top