AQSh hukumati BAAga 50 dona F-35 qiruvchi samolyoti sotilishini qo‘llab-quvvatladi

Manbalarning ma'lumot berishicha, shartnoma qiymati 10,4 mlrd dollarni tashkil etadi.

Foto: Flickr

AQSh davlat departamenti kongressga Lockheed Martin kompaniyasining 50 dona F-35 qiruvchi samolyoti Birlashgan Arab Amirliklariga sotilishini qo‘llab-quvvatlashini ma'lum qildi. Bu haqda Bloomberg agentligi xabar bermoqda.

Agentlik manbalarining bergan ma'lumotlariga ko‘ra, shartnoma qiymati 10,4 mlrd dollarni tashkil etadi.

Avvalroq Isroil F-35 qiruvchilari yetkazib berilishiga qat'iy qarshi chiqqandi. 23 oktabr kuni Isroil bosh vaziri Binyamin Netanyaxu va Mudofaa vaziri Beni Gans Vashingtonning BAAga qiruvchi samolyotlar sotishiga e'tiroz bildirmaslikka qaror qilishdi.

F-35 – yadro qurolini tashiy oladigan qiruvchi samolyot bo‘lib, uni yaratish loyihasida AQSh bilan birga sakkizta davlat ishtirok etgan.