Ular o‘zimizga munosib masalalarni yoritishda qo‘rqmasligi kerak – Prezident jurnalist va blogerlar faoliyati haqida

«Men tizimdagi muammolarni ko‘tarib chiqayotgan, yoritib berayotgan jurnalist va blogerlardan xursandman. Aynan ular ko‘plab muammo va qilinayotgan ishlarni yoritib berishmoqda.

Albatta, bu masalalar oddiy tilda aytganda evi, tasdig‘i bilan bo‘lishi kerak. Ular odatda ko‘p masalalarni o‘zi o‘qigan, ya'ni rivojlangan davlatlar bilan solishtirishadi. Lekin ular shuni ham tushunishlari kerakki, bizda ochiqlik siyosatiga endi 3 yil bo‘ldi. Jurnalist va blogerlar solishtirayotgan davlatlarning erkinligiga esa 300 yil bo‘lgan.

Biz albatta shu davrlarga ham yetamiz. Ular o‘zimizga munosib masalalarni yoritishda qo‘rqmasligi kerak», deya prezidentning so‘zlarini keltirmoqda Kun.uz muxbiri.