07:56 / 03.12.2020
4734
Екатеринбургда содир бўлган ЙТҲда икки нафар ўзбекистонлик вафот этди

Жорий йилнинг 1 декабр куни Россиянинг Екатеринбург шаҳрида бир гуруҳ ўзбекистонликлар минган “Volkswagen Polo” русумли енгил машина йўлнинг музлаган қисмида автоҳалокатга учради, деб хабар бермоқда “Дунё”.

Фото: Dunyo

Ўзбекистоннинг Екатеринбургдаги бош консулхонаси маълум қилишича, бунинг оқибатида икки нафар фуқаро — 27 ёшли аёл ва беш ёшли бола ҳалок бўлган. Беш нафар киши оғир жароҳатлар билан шаҳарнинг 9-болалар ва 23-касалхоналарига ётқизилган. Ҳозир шифокорлар ўта оғир аҳволда бўлган машина ҳайдовчиси ва вафот этган боланинг онаси билан боғлиқ жарроҳлик амалиётларини бажармоқда.

Ўзбекистон бош консулхонаси ва Ташқи меҳнат миграцияси агентлиги ваколатхонаси ходимлари юзага келаётган турли масалаларни жойида ҳал қилиш учун касалхоналарда бўлиб турибди.

Top