Erdo‘g‘an Makronni Fransiya uchun ortiqcha yuk deb atadi

Avvalroq Parij va Anqara Tog‘li Qorabog‘dagi nizo bo‘yicha o‘zaro kelishmovchilikka borgandi.

Foto: AP Photo / Lefteris Pitarakis

Turkiya prezidenti Rajab Toyyib Erdo‘g‘an Fransiya prezidenti Emmanyuel Makronni keskin tanqid qildi.

“Makron – Fransiya uchun ortiqcha yuk. Makron va Fransiya juda xavfli davrni boshidan kechiryapti”, — deya Erdo‘g‘anning so‘zlaridan iqtibos keltirmoqda Turkiya OAV.

“Fransiya Makron ko‘rinishidagi muammodan imkon boricha tezroq qutulishiga umid qilaman”, — dedi u.

Avvalroq Parij va Anqara Tog‘li Qorabog‘dagi nizo bo‘yicha o‘zaro kelishmovchilikka borgandi. Fransiya Turkiyani Armaniston va Ozarboyjon o‘rtasidagi jangovar harakatlarni avj oldirishda ayblagandi.

O‘z navbatida Erdo‘g‘an Parij ushbu nizoda vositachi sifatida ishonchni yo‘qotganini aytgandi.