22:11 / 12.12.2020
8109
Қирғизистонда 18 киши президентликка номзод сифатида рўйхатга олинди

Дастлаб 63 киши президентликка номзодини қўймоқчи бўлганди, аммо фақат 20 кишигина 30 мингта имзо тўплади ҳамда 1 млн сом (12,5 минг доллар) гаров пули қўя олди. 

Фото: Владимир Пирогов

Қирғизистон Марказий сайлов комиссияси (МСК) 18 кишини республика президентлигига номзод сифатида рўйхатга олди. Бу ҳақда МСК матбуот хизмати хабар берди.

Номзодлар орасида "Бутун Киргизстан" партияси етакчиси Адахан Мадумаров, мамлакат президенти вазифасини бажарган Садир Жапаров, давлат миллий хавфсизлик қўмитаси собиқ раҳбари Абдил Сегизбаев бор.

Дастлаб 63 киши президентликка номзодини қўймоқчи бўлганди, аммо фақат 20 кишигина 30 мингта имзо тўплади ҳамда 1 млн сом (12,5 минг доллар) гаров пули қўя олди.  

 Президент сайлови 2021 йил 10 январда бўлиб ўтиши белгиланган.

Номзодлар ташвиқоти 15 декабрдан бошланади.

Мавзу
Қирғизистонда ҳукумат алмашинуви
Қирғизистонда парламент сайловлари натижаларидан норози бўлган мухолиф партиялар инқилоб амалга оширишди.
Барчаси
Top