Pentagon Somalidan AQSh qo‘shinlarini olib chiqishni boshladi

Somalidagi AQSh qo‘shinlarini Sharqiy Afrikadagi boshqa bazalarga ko‘chirish boshlangan. AQSh qurolli kuchlarining Afrikadagi qo‘mondonligi rahbari general Stiven Taunsend Vashington mintaqadan ketmasligini bildirgan.

Pentagon prezident Donald Trampning topshirig‘iga binoan AQSh harbiylarining aksariyat qismini Somalidan olib chiqib ketishga kirishdi. Bu haqda CNN telekanali xabar bermoqda.

Xabarda aytilishicha, Somalidagi AQSh qo‘shinlarini Sharqiy Afrikadagi boshqa bazalarga ko‘chirish boshlangan. AQSh qurolli kuchlarining Afrikadagi qo‘mondonligi rahbari general Stiven Taunsend Vashington mintaqadan ketmasligini bildirgan.

Dekabr boshlarida Pentagon Tramp 2021 yil boshigacha Somalidan AQSh qo‘shinlarini olib chiqib ketishga buyruq berganini ma'lum qilgandi.

Somalidagi Amerika kuchlari xalqaro terrorchi guruhlarga qarshi kurashda hamda Somali harbiylarini tayyorlashda yordam beradi.