23:29 / 20.01.2021
9551
Британия компаниялари мамлакатдан чиқиб кетмоқда

Франция банки раҳбари Франсуа Виллеруа де Галнинг сўзларига кўра, Brexit Британия компанияларининг бир қисми ва уларнинг активларини (жами 170 миллиард евро) Франция иқтисодиётига жалб этишга ёрдам берди.

Фото: Getty Images

Британиянинг 50га яқин компанияси Brexit сабабли Францияга кўчиб ўтди. Бу ҳақда Франция банки раҳбари Франсуа Виллеруа де Гал маълум қилди.

Унинг сўзларига кўра, Brexit Британия компанияларининг бир қисми ва уларнинг активларини (жами 170 миллиард евро) Франция иқтисодиётига жалб этишга ёрдам берди. Банк раҳбарининг ишонч билдиришича, 2021 йилда бу жараён янада тезлашади.

Маълумот берилишича, Буюк Британиядан Францияга 5 мингга яқин иш ўрни кўчирилган. 

Молиявий йилнинг дастлабки саккиз ойида Буюк Британиянинг давлат қарзлари 240,9 миллиард фунт стерлингга (323 миллиард доллар) ўсган. 

Буюк Британия Европа иттифоқини 2020 йил 1 февралда расман тарк этганди. Томонлар йил охирига қадар ўтиш даври тўғрисида келишиб олганди. 

Top