AQShning yangi davlat kotibi dunyo Amerika yetakchiligiga ehtiyoj sezayotganini aytdi

Entoni Blinkenning qayd etishicha, AQSh boshqa mamlakatlarni umumiy farovonlik uchun safarbar etishda jahon sahnasida haligacha yuqori salohiyatga ega.

Foto: Getty Images

AQShning yangi davlat kotibi Entoni Blinken xalqaro hamjamiyatga Vashingtonning yetakchiligi zarurligi, aynan uning yetakchiligi jahondagi global muammolarni ishonchliroq hal etishga imkon berishini aytdi.

"Dunyo Amerikaning yetakchilik roliga ehtiyoj sezmoqda va biz buni ijro etamiz, chunki dunyo AQSh bilan birgalikda muammolarni yechishi ishonarliroq bo‘ladi", - dedi u.

Uning qayd etishicha, AQSh boshqa mamlakatlarni umumiy farovonlik uchun safarbar etishda jahon sahnasida haligacha yuqori salohiyatga ega.

AQShning yangi davlat kotibi etib tasdiqlangan Blinken avvalroq qator mamlakatlar tashqi ishlar vazirlari bilan telefon orqali muloqot qilgan. U birinchi bo‘lib Kanada tashqi ishlar vaziri Mark Garno bilan, so‘ngra Meksika tashqi ishlar vaziri Marselo Ebrard, Yaponiya tashqi ishlar vaziri Tosimitsu Motegi, Janubiy Koreya tashqi ishlar vaziri Kan Gen Hva bilan suhbatlashgan.