Qoʻshimcha funksionallar
-
Tungi ko‘rinish
Qirg‘iziston prezidenti matbuot xizmati rahbari pora talab qilganlikda gumonlanib qo‘lga olindi
U rahbarlik lavozimlaridan biriga da'vogarning lavozimga tayinlanishi masalasini ijobiy hal qilib berish evaziga o‘ta yirik miqdorda pul talab qilgan.
Foto: Qirg‘iziston milliy xavfsizlik qo‘mitasi
Qirg‘iziston prezidenti matbuot xizmati rahbari Nurgazi Anarkulov pora talab qilganlikda gumonlanib qo‘lga olindi. Bu haqda Qirg‘iziston davlat milliy xavfsizlik qo‘mitasiga tayanib TASS xabar berdi.
"Qo‘lga olingan shaxs lavozimini suiiste'mol qilib va shaxsiy boylik orttirish maqsadida rahbarlik lavozimlaridan biriga da'vogarning lavozimga tayinlanishi masalasini ijobiy hal qilib berish evaziga o‘ta yirik miqdorda pul talab qilgan", - deyiladi xabarda.
Qo‘mita korrupsiyaga qarshi kurashish xizmatining ma'lumot berishicha, matbuot xizmati rahbari "davlat hokimiyati organlarida korrupsiyani aniqlash, uning oldini olish va unga chek qo‘yish bo‘yicha o‘tkazilgan amaliyot" doirasida qo‘lga olingan.
Anarkulovga nisbatan respublika jinoyat kodeksining "pora talab qilish" moddasi bo‘yicha sudga qadar ish qo‘zg‘atilgan.
Nurgazi Anarkulov o‘tgan yil kuzida Qirg‘iziston prezidenti matbuot xizmati rahbari etib tayinlangandi.
Mavzuga oid
17:44 / 23.02.2026
«Do‘stimni ogohlantirgandim» – Japarov Milliy xavfsizlik davlat qo‘mitasidagi o‘zgarishlar haqida
09:01 / 22.02.2026
Sog‘liqni saqlash vaziri korrupsiyaning oldini olish bo‘yicha jamoatchilikka murojaat qildi
19:27 / 21.02.2026
Qirg‘izistonda prezidentga bo‘ysunadigan tergov qo‘mitasi tuziladi
16:44 / 21.02.2026