22:53 / 19.02.2021
4745
Эрон ўз йўловчи самолётини қуришни режалаштирмоқда 

Эрон ўз реактив йўловчи самолётини қуради. Бу ҳақда Эрон Фуқаро авиацияси ташкилоти раҳбари Турож Деҳқони Зангане маълум қилди. 

Фото: Global Look Press/Morteza Nikoubazl

Самолёт 100 ўринли бўлади. Уни яратиш бўйича ишлар Фуқаро авиацияси ташкилоти ва мудофаа вазирлиги ўртасидаги келишув доирасида бошланади.

“Айни вақтда ушбу самолётни қуриш бўйича тадқиқот ишлари бошланди”, деб маълум қилган Зангане.

Эрон фуқаро авиациясининг азалий муаммоси эскириб қолган авиапарки ҳисобланади. Мамлакат айни вақтда АҚШнинг қатъий санкциялари остида бўлиб, бу унга ривожланишида тўсқинлик қилмоқда. 

Top