22:56 / 09.03.2021
1480
Johnson & Johnson ЕИга вакцина етказиб беришда муаммолар бўлиши тўғрисида маълум қилди

Компания вакилининг сўзларига кўра, бунинг сабаби ингредиентлар ва вакцина тайёрлаш учун жиҳозлар етишмовчилигидир.

Фото: Reuters

Американинг Johnson & Johnson компанияси Евроиттифоққа йилнинг 2-чорагида коронавирусга қарши вакцинани зарур ҳажмда етказиб беришда муаммолар бўлиши ҳақида маълум қилди. Бу ҳақда Reuters агентлиги хабар бермоқда.

Агентликнинг маълумот беришича, компания вакили бу муаммодан Еврокомиссия раҳбари Урсула фон дер Ляйенни хабардор қилган. Унинг сўзларига кўра, бунинг сабаби ингредиентлар ва вакцина тайёрлаш учун жиҳозлар етишмовчилигидир.

Компания 2021 йилнинг 2-чорагида ЕИ олишни мўлжаллаётган 55 млн доза вакцина етказиб бера олмаслигини таъкидлаган.   

 Johnson & Johnson коронавирусга қарши вакцинаси учинчи синов босқичида АҚШда 72 фоиз ва вируснинг янги мутацияси аниқланган ЖАРда 57 фоиз самарадорлик кўрсатганини маълум қилганди.

Феврал охирида АҚШ озиқ-овқат маҳсулотлари ва дори воситалари сифатини назорат қилиш бошқармаси (FDA) Johnson & Johnson вакцинасини маъқуллади.

Top