Namangan muhandislik-texnologiya institutida yangi laboratoriya binosi tashkil etildi

Institutga "Jahon banki" loyihalari doirasida Xitoy, AQSh va Yevropaning rivojlangan davlatlaridan zamonaviy laboratoriya jihozlari keltirildi.  

"Oziq-ovqat texnologiyasi",  "Poyafzal va teri mahsulotlari texnologiyasi", "Trikotaj-tikuv texnologiyasi",  "Metrologiya va standartlashtirish" hamda  "Matbaa va qadoqlash" bo‘yicha zamonaviy laboratoriya jihozlari foydalanishga topshirildi.

Ochilish marosimida institut rektori professor Odiljon Mamatkarimov,  Janubiy Koreyadan tashrif buyurgan Professor Shin Ki Hyuk va uzoq yillar davomida Namangan muhandislik-texnologiya institutida faoliyat olib borayotgan faxriy professor-o‘qituvchilar ishtirok etishdi.

Ayni kunlarda  Professor Shin Ki Hyuk institutda talabalarga ta'lim bermoqda.

“Quvonarlisi, bunday zamonaviy laboratoriya binolarining oliy ta'lim dargohida bo‘lishi ilmiy faoliyatni osonlashtiradi. Bu joy namanganlik talabalarning tadqiqotlar o‘tkazib, ko‘plab yutuqlarni qo‘lga kiritishiga xizmat qiladi, ilimiy faoliyat bilan shug‘illanayotgan yosh tadqiqotchilar endilikda o‘z ishlarini davom ettirib, yangi ixtirolarni kashf qilishlari mumkin”, deydi Shin Ki Hyuk.