Oltiariq tumanida Navro‘z bayrami arafasida ko‘p tarmoqli bolalar poliklinikasi hamda ikkita oilaviy poliklinika ochildi. Ular zamonaviy tibbiy anjomlar bilan jihozlangan.
![](https://storage.kun.uz/source/7/wFxOuUdLD0zA1bda-jSmeLWdb8qvy_Kz.jpg)
Oltiariq tuman hokimligi axborot xizmatining Kun.uz'ga xabar berishicha, Navro‘z bayrami arafasida Oltiariq tumanida uchta tibbiyot muassasalari foydalanishga topshirilgan.
Tuman ko‘p tarmoqli bolalar poliklinikasi, 37 va 38-qishloq oilaviy poliklinikalarining qurilish-ta'mirlash ishlariga viloyat mahalliy budjetidan qariyb 10 milliard so‘m mablag‘ ajratilgan. Tibbiyot muassasalari zamonaviy-tibbiy asbob-uskunalar, laboratoriya jihozlari bilan ta'minlangan.
Tibbiyot markazlarining ochilish marosimida Oltiariq tumani hokimi Xolmirza Niyozov, sektor rahbarlari, faollar va tibbiyot xodimlari ishtirok etgan.