Tayvanda ikkita F-5E qiruvchi samolyoti halokatga uchradi

Ushbu hodisadan so‘ng mamlakat mudofaa vazirligi havoda bo‘lgan barcha F-5E samolyotlariga qo‘nishga buyruq bergan.

Tayvanda ikkita F-5E qiruvchi samolyoti mashg‘ulot vaqtida halokatga uchradi. Bu haqda Focus Taiwan nashri xabar bermoqda.

Xabarda aytilishicha, uchuvchilar katapulta yordamida samolyotlarni tark etishga ulgurishgan.

Milliy qutqaruv qo‘mondonlik markazining sun'iy yo‘ldosh tasviri

«Pindun shahridagi Syuxay porti yaqinida ikkita F-5E samolyoti radarlardan g‘oyib bo‘ldi. Qiruvchi samolyotlar mashg‘ulot o‘tkazish uchug Taydun Chjixan bazasidan parvoz qilgandi», - deyiladi xabarda.

Ushbu hodisadan so‘ng mamlakat mudofaa vazirligi havoda bo‘lgan barcha F-5E samolyotlariga qo‘nishga buyruq bergan. Bundan tashqari, voqea joyiga qidiruv-qutqaruv guruhi jo‘natilgan.