14:49 / 24.03.2021
2014
Байден ёзгача барча америкаликлар вакцина билан таъминланишини айтди

Жо Байден ҳозирда жорий этилаётган Американи қутқариш режасида эмлаш ишларини амалга ошириш учун маблағ ажратилиши кўзда тутилганини таъкидлади. 

Фото: EPA

АҚШ президенти Жо Байден май охирига қадар мамлакат барча фуқароларга етадиган вакцинага эга бўлишини маълум қилди. У бу ҳақда Оҳайо штатига ташрифи вақтида айтди.

"Май охирига қадар 600 миллион дозага яқин вакцинага эга бўламиз, бу ҳар бир америкаликка етади", - деди у.

Байден шунингдек, ҳозирда жорий этилаётган Американи қутқариш режасида эмлаш ишларини амалга ошириш учун маблағ ажратилиши кўзда тутилганини таъкидлади.

Жо Байден ўтган ҳафтада АҚШда 100 миллионга яқин киши коронавирусга қарши эмлаб бўлинганини маълум қилганди.

Top