Indoneziyada toshqinlar oqibatida 20 kishi halok bo‘ldi

Indoneziyaning Sharqiy Nusa-Tenggara provinsiyasida yuz bergan toshqinlar va ko‘chkilar oqibatida kamida 20 kishi halok bo‘ldi, yana 5 kishi bedarak yo‘qoldi.

Foto: © AP Photo / Khairul Bazar

“Sinxua” nashrining ma'lum qilishicha, tabiiy ofat 4 aprelga o‘tar kechasi yuz bergan. Unga kuchli yomg‘irlar sabab bo‘lgan. Buning oqibatida o‘nlab uylar ko‘chki ostida qolgan, bir nechta inshoot va ko‘prik toshqin bilan yuvilib ketgan.

Barcha jabrlanganlar shifoxonalarga joylashtirilgan. Ob-havo mutaxassislari hududda davomli yomg‘irlar va kuchli shamol bo‘lishini prognoz qilishmoqda.