Индонезияда тошқинлар оқибатида 20 киши ҳалок бўлди

Индонезиянинг Шарқий Нуса-Тенггара провинциясида юз берган тошқинлар ва кўчкилар оқибатида камида 20 киши ҳалок бўлди, яна 5 киши бедарак йўқолди.

Фото: © AP Photo / Khairul Bazar

“Синьхуа” нашрининг маълум қилишича, табиий офат 4 апрелга ўтар кечаси юз берган. Унга кучли ёмғирлар сабаб бўлган. Бунинг оқибатида ўнлаб уйлар кўчки остида қолган, бир нечта иншоот ва кўприк тошқин билан ювилиб кетган.

Барча жабрланганлар шифохоналарга жойлаштирилган. Об-ҳаво мутахассислари ҳудудда давомли ёмғирлар ва кучли шамол бўлишини прогноз қилишмоқда.