Pepsi bilan birgalikda Boxing Night – bahor mavsumining asosiy tadbirining eng yorqin onlari!

Oqshom boshlanishida sportchimiz Iqboljon Xoldorov o‘zining tanzaniyalik raqibi Kulva Bushirini birinchi raundning o‘zida nokaut qildi.

Bundan so‘ng, ilk bora o‘z Vatanida ringga tushayotgan barcha bokschilarimiz ketma-ket kuchli raqiblari ustidan g‘alaba qozondilar.

Shahram G‘iyosov va Patrisio Lopes Moreno o‘rtasidagi uchrashuv juda qiziqarli kechdi. Yurtdoshimiz birinchi yarim o‘rta vaznda WBA International maqomini himoya qilishi kerak edi va beshinchi raundda uning meksikalik raqibi nokaut bo‘ldi.

Oqshom yarim yengil vaznda WBA va IBF maqomlari uchun Murodjon Ahmadaliyev va Ryosuke Ivasa o‘rtasidagi uzoq kutilgan bahs bilan yakunlandi. Yurtdoshimiz Yaponiyadan kelgan raqibini nokaut qilib, g‘alaba qozondi.

Shu tariqa, o‘zbek bokschilari quyidagi natijalarni ko‘rsatdi:

• Iqboljon Xoldorov – Kulva Bushiri (Tanzaniya) – nokaut;
• Sanjar Tursunov – Ivan Yuxta (Ukraina) – mutlaq afzallik;
• Mirazizbek Mirzaxalilov – Tasha Mjuaji (Tanzaniya) – nokaut;
• Hasanboy Dusmatov – Muxsin Kizota (Tanzaniya) – nokaut;
• Bahodir Jalolov – Kristaps Zuits (Latviya) – nokaut;
• Isroil Madrimov – Emmanuel Kalombo (Kongo) – mutlaq afzallik;
• Shahram G‘iyosov – Patrisio Lopes Moreno (Meksika) – nokaut;
• Murodjon Ahmadaliyev – Ryosuke Ivasa (Yaponiya) – nokaut.

Reklama huquqi asosida