23:11 / 12.04.2021
3306
Меркел пандемиянинг учинчи тўлқини Германия учун оғир келганини айтди

Германияда коронавирус юқтирганлар сони март бошларида ўса бошлади. Агар дастлаб суткасига 5 мингдан 11,3 минг нафаргача ҳолат қайд этилган бўлса, 7 апрелга келиб бу кўрсаткич суткасига 30,3 мингтага етди.

Фото: Sean Gallup / Getty Images

Коронавирус юқтирганлар сони жудаям кўп, интенсив терапия бўлимлари яна тўлмоқда, деди Германия канцлери Ангела Меркел.

 «Айтиш керакки, учинчи тўлқин биз учун энг оғири бўлмоқда», — деди у Ҳанновердаги халқаро саноат кўргазмаси очилишида.

 Меркелнинг сўзларига кўра, эмлаш «пандемияга қарши энг кучли қурол» бўлиб қолмоқда.

 Германияда коронавирус юқтирганлар сони март бошларида ўса бошлади. Агар дастлаб суткасига 5 мингдан 11,3 минг нафаргача ҳолат қайд этилган бўлса, 7 апрелга келиб бу кўрсаткич суткасига 30,3 мингтага етди.

 Пандемия бошланганидан бери мамлакатда коронавирус юқтириш билан боғлиқ 3 миллиондан ортиқ ҳолат қайд этилди, 78,5 мингдан ортиқ киши вафот этди.

 Еврокомиссия 19 март куни Европада коронавируснинг учинчи тўлқини бошланганини эълон қилганди.

Top