14:53 / 17.04.2021
4888
Германия Афғонистондаги миссияси учун 12 млрд евро сарфлагани маълум қилинди

Статистикада Германия ҳар йили инсонпарварлик ва инфратузилма лойиҳаларига ажратадиган маблағ ҳисобга олинмаган.

Фото: DPA

Германия 2001—2020 йиллар давомида Афғонистондаги миссияси учун 12 млрд евро сарфлади. Бу ҳақда DPA агентлиги хабар берди.

Маълумот берилишича, энг кўп харажат 2010—2012 йилларда, Афғонистонда 5 мингга яқин немис ҳарбий хизматчиси жойлаштирилган даврда қилинган.

 Шу билан бирга, статистикада Германия ҳар йили инсонпарварлик ва инфратузилма лойиҳаларига ажратадиган маблағ ҳисобга олинмаган. Ушбу маблағлар эвазига 1,4 минг километр йўл қурилган, 293та мактаб ва 51та шифохона барпо этилган.

НАТО 1 майдан Афғонистондаги қўшинларини олиб чиқиб кетишга тайёрланмоқда.

 Ҳозирда Афғонистонда мингга яқин германиялик ҳарбий жойлашган.

Top